Darbog

Дарбог, стриповски фонт, со кирилична поддршка.




















Фонтот можете да го преземете од овде.













Автор: Дарко Богданов.



Илустрации од стрипот „Витези од соседството“.

„Девојче на Месечината“, рецензија на Весна Ничевска Саравинова

Рецензија на „Девојче на Месечината“ од страна на сликарката Весна Ничевска Саравинова.


Во една малечка сликовница се крие еден голем свет, бесконечен свет на идеалите, светот на сонувачите. Како и „Малиот принц“, тоа малечко девојче е полно љубов за сите, за целиот свет и сите суштества во него и за сите други планети и ѕвезди. А едно момче сонува за таа совршена љубов изгубена меѓу ѕвездите. Во време на подем на материјализмот, една ваква слатка, нежна, поетична сликовница е ѕвезда која ако допре до нечие срце ќе посее семе на поубав свет и секое такво срце засекогаш ќе засвети меѓу ѕвездите. Ова е естетски привлечна, духовно богата и научно поучна сликовница за секоја возраст.

Весна Ничевска Саравинова, дипломиран ликовен уметник

Македонка меѓу наградените на Балканската смотра на млади стрип автори

На Балканската смотра на млади стрип автори, која изминатиов викенд по 19-ти пат се одржа во Лесковац, Република Србија, не изостанаа наградите за македонските автори. Во конкуренција од 2761 учесник од 54 земји, што претставува светски рекорд по масовност за манифестација од ваков тип, признанието за најдобар дебитант ѝ припадна на младата Јасна Николова од Скопје. 


Со ова само се продолжува традицијата на доделување награди на автори од Македонија и одново се дава потврда за квалитетот кој тие го поседуваат. За потсетување, во 2016 година, наградата за најдобар илустратор на овој најстар балкански стрип-фестивал ја освои Тања Вукобрат од Скопје, а во 2015 година, за најдобар стрип сценарист, на истата манифестација, беше прогласен Александар Стеванов од Штип.

Македонски стрип автори на фестивал во Лесковац

Од 30 јуни до 2 јули 2017 година, во Лесковац, Република Србија по 19ти пат ќе се одржи најмасовниот стрип фестивал на Балканот – Балканската смотра на млади стрип автори, организиран од Лесковачката школа за стрип „Никола Митровиќ – Кокан“.


На самиот фестивал ќе присуствуваат голем број на автори од Балканот и Европа, кои преку презентации, изложби и предавања ќе ги споделуваат своите проекти, искуства и достигнувања. Гости на фестивалот ќе бидат исто така и македонските автори – Јордан Коцевски, Јован Секулоски, Дарко Богданов, и Игор Јовчевски и Никола Темков кои се и сопственици на издавачката куќа „Стрип Квадрат“ од Скопје.

Самиот фестивал ќе започне токму со промоција на издавачот „Стрип Квадрат“ и нивните нови изданија – „Бесмртните“ на Диме Иванов – Димано, „Девојче на месечината“ на Александар Стеванов, како и на скоро распродадениот стрип албум „Витези од соседството“ на авторите Дарко Богданов и Јордан Коцевски.